Hei se mir rem! Haate lo keen Internet.

Also lo waren pur stressig Deeg.

Virgester hu mir nach zu New York op eiser Terrass Kaffi gedronk, an em 11 Auer koum den Taxi eis sichen fir op de La Guardia Flughafen. Daat huet och tiptop geklappt, mir waren an enger knapper halwer Stonn do Du koum den Check-in.
Een Tip vu United Airlines huet gesoot, mir missten selwer de Check-in man. Mee daat huet guer net geklappt mat deem Automat! Du koum eng léif Madamm vun hannert dem Schalter an huet eis bäi sech geruff, alles fir eis gemach, a gesoot daat aert ging net goen mat auslännischen Voucheren. Ok, mir sen du nach eppes drenke gaang, well mir nach 2 Stonnen hu missten warden..
Géint 2 Auer gung et an de Flieger, an prompt hu mir d Madamm net mie sou léif fond, well sie eis a 5 verschidden Reihen all kiers an d Mett getesselt haat! Mir konnte mol baal net mateneen schwätzen.

An du … starten, net starten, nees ufuhren, Start oofgebrach …. zwou Stonne laang! D’Fliesgeren stungen an der Schlaang fir fort! (sie mussen där awer och iwerall fabrizéieren 😉 ) Schlussendlich hun se du d’Richtung geännert fir de Start an et gung lass!
Du gouf et och nach neischt z’eessen, bäi 4 Stonne Fluch! Mir haate souguer eppes fir Letz Frankfurt, daat waren ¾ Stonn!! D’Bouwen haate mat Chance eng Tuut Chips mat ran, mee fir de Rest gouf et laang!! Durch de Mikro gouf gesoot, et kent een hir Packages kaafen mat FingerFood. Hun am Katalog gekuckt waat et wier, den Noper gedoen opstoen fir un d’Kreditkaart ze kommen, well Suen wollte se keng an daat alles fir Chips an Nees a Gottweeswaatnach an denen Tuuten sollt sen! Tjo, et war net eisen Daach, wie se bis an eis Géigend koumen, ( di scheinbar fein Madamm haat eis och nach ze soen ganz hannen getesselt!!) war alles ausverkaaft! War guer neischt mie ze kreien. Mir hun neischt braichten ze soen, daat hun d’Amerikaner ronderem schon gemaach!
Dofir se mir awer ouni Problem geland. Mee eben leider sou spéit datt et schon baal daischter war zu Denver.
No de Valisen ooffänken, di erstaunlicherweis all ukomm waren, (haat no deem Daach schon gezweifelt) , sen mir direkt op d Sich gaang no eisem Shuttle fir bäi den Hotel, den Roadbear ugin haat.
Den huel awer net do, deen muss een uruffen! Ah jah!
Also op d Sich no enger Telefonskaart, 10 Dollar an de Schlitz … an neischt!
Bäim Infoschalter waren se awer super léif, net sou genervt/gespillt frendlich wie zu New York. De Mann huet de Claude vu sengem Apparat aus uruffe geloss an eis x Telefonskaarten als Entschädigung gin.
Den Shuttle koum och geschwenn, a mir waren fix a foxi an iwerhongerig! Hu just d’Poschen an d Kummeren hannert d Dir gesaat, an sen an den Applebee’s gestierzt. Deen war quasi direkt bäim Hotel, an as nemmen ze empfehlen!

Donnischdig 7. August

Hun mol bessen ausgeschloof a hu relax minimalistiscn Kaffi gedronk mat engem Yoghurt an Cornflakes!
Durno Poschen gepaak, an d’Bouwen waren an de Pool .
No pur Minutten koum den Eric schon bluddig raus, den rauen Schléifbotzbuedem vum Pool haat hen attakéiert, an d Gesiicht an d Ärm lakséiert!! ( siehe Pics, ab 21 !)
Durno waren mir séier e Burger eessen, well mir net nees a sou ee Lach wollte faalen wie den Daach virdrun. Teschend halwer 1 an halwer 2 sollt den Taxi vu Roadbear eis sichen kommen. Mir waren ¼ op 12 nees am Hotel,du seet d’Meedchen an der Receptioun, de Chauffeur wier do gewiest, mee mir net, hen wier nees fort! Zut! Daaat wert jo net sou weider goen ….
Nees ugeruff, an no kuurzer Diskussioun an dem Beweis per Email (Vive I-Phone!! — jo ech soen jo neischt mie dogéint!) waren sie awer ganz léif an hun den Chauffeur zreckgescheckt.
Durno gouf et spannend! D’Aweisung an den CampingCar war ustrengend an huet 2 Stonnen gedauer. Daat ganzt gung op däitsch, well een Schwäitzer eis agewiesen huet. Sie waren iwerhaapt eng ganz sympathisch Firma!

Du gung et lass mat der ischter Faart! As schon e Riesendengen, an Automatik … !
Bis bäi een Akaafscenter, fir mol de Frigo ze fellen, se mir schon mol ouni Problem komm, an haaten och keen Akaafsweenchen ennerdrenner päschen herno wie am Film!! ;-)))
Daat Akaafen war och net sou einfach, fir bessen vun allem ze fannen. Teschendurch as mol een zolitt Donnerwieder roof gaang. An et war schlussendlich baal 6 Auer wie mir eis op de Wee fir op Boulder gemaach hun.
Eigentlich wollte mir virum Daischteren do sen, fir eis di ischte Kier ze installéieren. Meeeeeee …. den TomTom huet eis am Stach geloss an de Camping net fond. Mir waren irgendwou an d Pampa gerooden, wou de Wee op emol keen Asphalt mie haat, a mir waren forcéiert matzen um Wee d’Kéier mat eisem Scheff ze man!
Trotz alle Bedenken huet et tiptop geklappt. Gottseidank haat den Eric och de Kaart an den TomTom an d’Hand geholl, an eis irgendwéi op emol awer op eisen Camping gefouert!
Do war neischt richtig gezeechent, an mir waren frou wi mir di ischt Camper teschend de Beem gesinn hun haalen. Mir hun eis du op eng Plaatz ageschriwwem an di éischte Kéier geparkt! Et war stachdaischter, a mat Täscheluuchten gouf Elektisch ugeschloss. Schon irgendwie spannend.

Aus deem gewollte Grillen gouf neischt mie, mir hun eng Family-Pizza an den Uewen gemaach. De war och net sou einfach unzebalen, bis mir rausfond hun datt een neischt därf uewendrop léen wou en Loft zitt!! Hehe …..

Eppes gees, an du gouf mol geraumt, d’Akaafssachen alles richtig verstaut, Poschen mat de Kleeder ausgepaak….. den Desch ragklappt an als Bett emfontionnéiert, an du war et baal Hallefnuecht, a mir sen just nach an d’Bett gefall.

Freideg, 8. August

Mir waren all fréih wakrisch, war ongewinnt. Alles sou rouig, an lo huet een mol gesinn wou mir waren. Eng immens schéin Campingsplaatz mat eegener Grillplaatz an Desch an Bänken. Trotzdem et nuets gutt gerent haat, an et och nach relativ fresch war, hu mir profitéiert an dobaussen Kaffi gedronk.
Daat war richtig Vakanz!! ;-))))

Mee leider wollte mir jo nach eppes gesinn, an hun alles lassgeklemmt, den Check gemaach, Daachfensteren zou, Klappen ronderem gespaart, Elektrisch lass geklemmt, net datt d’Sail ging hannendrun flatteren … Traap ran …. muss een nawell u villes denken.

Durno sen mir roof op Boulder gefuer, mat superschéinen Aussiichten op d Rockies.
War net sou einfach an der klenger Staad eng grouss Parkplaatz ze fannen, mir hun herno einfach op engem relativ eidelen Parking 3 4 Plaatze geholl, an dofir och 2 Ticket’en geléist, an der Hoffnung daat wier ok. Wie mir no enger gudder Stonn zreckkoumen war den Parking guer net mie sou eidel!!

Mir hun en Tierchen duech d’Pearl Street gemaach, eng wonnerschéin Foussgängerzone, wou ech verschidden Saachen direkt nach remkannt hun! Mettlerweil as awer och schon en Starbucks do, an mir hun eis eng Latte Macchiato gegennt.

Durno fuhren mir wieder an d Géigend vun Canon City, wou „Cliff Dwellings“ as, en Musée vun den Pueblo Indianer, déi an denen „Haiser“ an de Fielsen gewunnt hun. Mesa Verde as di grouss Versioun dovunner, mee daat packen mir net op eisem Tour.

Lo sen mir an der Géigend vun Canon City op engem Camping mat vu op d Royal Gorge Breck. Et as zwar keen sou een flott agedeeltenen, hei stin d Camper méi een um aner, mee vun der Plaatz hir as et super.

D’Jungs sen schwammen, an lo get mol eppes gekacht!

All about waiting, but it’s it worth

3.08

Mie waren de Moien an d’Grand Central Station kucken, durno gung et per pedes weider op den Times Square an rem mam „Bümmelbüs“ bis Battery Park. Do wollte mir d Fähr huelen fir bäi d’Freiheitsstaue an op Ellys Island. Mee di Schlaang Leit déi do stung war net ze beschreiwen. Mir hun d ‚Enn mol net fond fir unzestellen! Daat gung kräiz a quier durch de ganze Park! Dèi Lost haate mir awer du net, ausserdem war et vill ze waarm! Mir hun du de Programm geännert, an sen vun do aus op den Pier 17 gaang, wou pur kleng Geschäfter a Restauranten sen, mee virun allem setzt een do virun eng faszinanter Vue vun aalen Segelbooter mat Hannergrond der Skyline Manhattan, an haaptsächlich der Wall Street. Durno hu mir en Tour mam Hop-On Hop-Off Bus, wou mir en 3-Dagesticket geholl haaten iwert den ast River op Brooklyn gefuer. War interessant, mee laang, an waarm! Am Ufank haate mir eng Mme-Guide, di immens interessant an däitlich geschwaat huet, déi huet awer oofgewiesselt mat engem Mossiöh, deen de Mikro hallef am Mond haat, an och nach an enger Plastikstuut ageweckelt, war onméiglech en Wuert ze verstoen,
No dem Tour sen mir um Times Square rausgeklommen, a sen an sou een „weltberühmt“ Souvenirsgeschäft gaang, mee wiirklich kaaft hu mir neischt. Déi Zäit war den Eric an den Hotel (ganz alleng) eis Ticket’en sichen fir op den Empire State Building. Mir haaten eisen Programm geännert, a wollte pobéieren op do d Schlaang och sou laang wier. Mir koumen direkt ran, direkt eng Traap aus …. an du … jo do stongen se, mee du war een dran!! Durch eng Secherheetskontroll wie um Findel gung et em en Eck an nach en Eck, an an eng Schlaang, di zickzackförmig teschend decken Seeler wie zu Brühl virun der Wildwasserbahn gung! Mee et gung relativ zügig virun. No enger Stonn waren mir am Lift, bis op den 80sten Stack! An du gung et nees raus an en riesen Gank, em den Eck, an nach en Eck, an di nächst Schlaang. Mee och do war et net ze schlemm, bis mir am Lift op den 86. an domat op der Plattform di een an de Filmer gesäit waren. Et war genial, net ze beschreiwen,! Méi hell wie däischter dobaussen, Vollmound, an eng Vue, sou kloer … muss een einfach erliewt hun! All waaarden, an all „Kampf“ em eng Plaatz an der éischter Rei haat sech gelount!
Fir roof waar natirlich och nees eng Schlaang, an mir haaten nach en etlich Stroossen ze goen bis an den Hotel. Mir waren all groggy, sen nach just an d Better gefall, a keen war mie emstand hei nach e Buchstaaw ze schreiwen.

4.08

Mir waren fréih op, fir eist Gleck nach emol mat der Fähr bäi d Fräiheetsstatue ze probéieren. Dofir hun mir direkt den Subway geholl, a mir waren an Zäit vun enger halwer Stonn ennen am Downtown. Effektiv, et waren net souvill Leit do wie wann der nach méi do gewiest wieren. D’Schlaang war ze erdroen an et gung gutt virun. mir koumen direkt mat op daat ésicht Scheff waat do huel. Déi Faart war och immens flott, just d’Vue war bessen dréiw. Mee Fotoen goufen awer drop an derwidder geknippst! Mir sen net bäi der Statue roofgeklommen, mir hun se jo vun baussen gesinn, an daat waat een dran vun uewen gesäit, konnte mir och sou vum Scheff aus kucken.
Et gung direkt weider op Elly’s Island, wou fréiher d’Awanderer fir d’éischt hun missten u Land goen, an do op Krankheeten asw gecheckt goufen, ir sie den amerikanischen Buedem hun dirften betrieden. War eng kleng Ausstellung iwert d’Awanderung an d’Gebei wou daat alles iwert d’Bühn gung, ze kucken.
Durno gung et zreck mat Bleck op d Skyline vun Manhattan.
Mat der Subway gung et durno nees rop an de Central Park. Do hu mir en Hot Dog gees, an engem Baseball-Spill nogekuckt. No engem klengen Treppeltour waren mir nees bäi enger Hop-o Hop-off Statioun, an hun, fir den Ticket och auszereizen, den Tour durch Harlem gemaach. Deen war awer net sou interessant wie erwart, an et war einfach ze waarm. Zwar war bessen Loft wann e gefuer as, mee vu datt en dachs stoppt, an den Traffic sou staark war, gung et net richtig weider. Daat haat eis du zimmlich matgeholl, a mir waren frou wi mir nees um Times Square waren. Ech wollt onbedingt nach bäi Macy’s gewiest sen, also nees d Been an de Grapp, an et etlich Querstroossen iwert den Broadway roof – mee et war di falsch Zäit. Daat Geschäft as einfach ze riesig, Muss een schon wessen waat een sicht, mee net mol dofir hett ech mi di richtig Lost gehaat.
mir hun eis en Kaffi bäi Starbucks geholl an sen zreck op den Times Square getreppelt, wou een Olive Garden Restaurant as, deen mir eis rausgesicht haaten.
An och do gouf et eng Schlaang, krut een, wann een sech ugemeld huet, sou een klengen UFO an de Grapp gedreckt, an wann deen geliicht huet, konnt een eng Traap mie héich goen, fir d Eessen!!! War awer ganz lecker.
An nom Eessen em 9 Auer war et och schon nees daischter, an domat haate mir du och nach de vollen Androck vum Times Square by night! Wahnsinn, di Luuchten an daat Menschespill … do hun se souguer eng Tribühn stoen, wou een sech kann hisetzen, an deem Ganzen do nokucken!
A lo sen mir nees ko, waren frou wie mir nees am Hotel waren, an ech hun mech missten zesummerappen, fir hei nach ze schreiwen, also wen Tippfeeler fend därf se haalen! Mee nach zwee Deeg gewart, dann hette mir de Fuedem verluer gehaat. 😉
A mär gin d Valisen gepaak an da geet et mam Flieger a Richtung Denver!

Rainy day in New York

Sightseeing mam Hopp_on Hopp_off Bus, deels an Plastikponchoen. Gutt fir en éischten Androck a bessen ze laachen! Déi hun sech sou opgepluustert datt weder deen deen dran stuch, nach deen deen hannedrun suutz eppes mie gesinn huet!! Mir hun eis an den coolen an virun allem dreschenen Apple_Store gemaach.
Am spéiden Nomettig huet war den Himmel nees blo, a mir hun d`Been an de Grapp geholl fir en flotten Tour bäi d’Grand Central Station, de Madison Square, bis op den Times Square an natirlich de Broadway. Am Hard Rock Café gouf et e Patt fir d’Geburtsdaachskand. Um Wee zreck nach e kuurzen Stop bäim NYFD, mat enger Erennerungsfoto mam Tom, an du huet et och schon ugefaang däischter ze gin. A prompt waren mir nees midd! 😉
Lo as och Feierowend, well mär steet nees vill um Programm!

Fotoen fann der rem bei Pics 🙂
Danielle

Ukomm :)

Pünktlech um halwer 5 ass den Airport Shuttle eis sichen kommen an huet eis op den Findel bruecht. Eng Bombardier mat Propelleren huet eis du op Frankfurt bruecht wou mir mat enger 747 Richtung New York. Ennerwee ass 17 Again an Panda Panda gelaaf, so daat mer seier den iPoden an PSPen mat eisen Filmer ausgepack hun.
Nodeems mer Island, Grönland an Kanada vun uewen erforschen konnten, hun mer endlech New York gesin no 8 Stonnen Flug. An den Viruerten wär et selten an een Haus keen Pool an Tennisterrain hat an och dei typesch High Schoolen mat Baseball, Football an sou Terraien an deenen gielen Schoulbussen.
Wei mer du endlech aus dem Flieger wären missten mer nach annerhallew Stonn beim Immigration Center an Zoll wärden, bis mer du op der Stross vun NY stungen.
Typesch taxien an Policeautoen, wei een se aus den Filmer kennt sinn lanscht gefuhr, esou wei dei typesch Amikarren mat V8.
Een Taxi huet eis du vum JFK Flughafen an Manhattan gefouert, bei eist Penthouse waat um 10 Stack ass, hei ass daat eng Meck, geint all dei Wolkenkratzer doniervt 🙂 Fotoen fann der bei den Pics.

Sou lo geet mol duer vir haut, well Rees wär Ustrengend 🙂

Final Countdown

Mol keng 24 Stonnen sin et mei, ir mir eis Rees starten.
Valisen sin sou gud wei färdeg, Dollar hun mer ( merci och der Bourse vir den Wert vum Dollar) an iPoden sin gelueden.
No deenen puer stressegen Deeg sin mer frou wann et endlech um 4 moies lasgeet an mam Airport Shuttle Richtung Findel gefouert gin.

15:26:34…

Eis Route

Mir fleien vum Findel op Frankfurt, vun do aus op New York, wou mir puer Deeg bleiwen an dann weider fleien op Denver. Zu Denver leinen mir een Campingcar an fuhren von do aus quer duerch den Westen iwwer Las Vegas bis op San Francisco, vun do fleien mir rem zereck op Letzebuerg 8) .

Hei ass eis Streck vun Denver bis San Francisco agedeelt an 3 Linken:

Deel 1

Deel 2

Deel 3

Salut :D

Am August starten mir eisen eischten Amerika Trip wou mir quer duerch USA reesen mam Camper, Flieger oder zu Fouss 🙂